Real Madridi dhe shumë klube të tjera të njohura kanë hedhur sytë nga 17-vjeçari, Camavinga. Talenti ka bërë mjaft mirë me Rennes në këtë fillim sezoni dhe nuk mund të mungonte shenja e tij dhe në fitoren 2-1 kundër Montpellier.
I riu realizoi golin e dytë për skuadrën e tij në minutën e 77′. Ai ndërmori një aksion personal ku u fut mjaft mirë në zonë duke shmangur disa kundërshtarë dhe në një hapësirë të ngushtë dërgoi topin në rrjetë.
Gjuajtja e tij ishte e saktë dhe i dha skuadrës së tij 3 pikë të arta. Rennes e ka nisur kampionatin me një fitore dhe një barazim. Camavinga duket se po luan muajt e fundit me klubin francez, pasi me shumë mundësi do të transferohet në një skuadër tjetër.
CAMAVINGA, THIS KID IS 17. pic.twitter.com/Nna3udPZOt
— Galu (@PSGalu) August 29, 2020
