Sandro Tonali është një lojtar i Milanit, teksa tashmë mungon vetëm zyrtarizimi, teksa gjithçka tjetër për këtë lëvizje është mbyllur.
Marrëveshja me Breshan dhe lojtarin është arritur, teksa ky i fundit ka dhënë një shtysë të rëndësishme për shkak se është tifoz i Milanit dhe për këtë arsye dëshironte me çdo kusht kalimin te kuqezinjtë.
Tashmë që gjithçka është thuajse e mbyllur është vendosur edhe për vizitat mjekësore të lojtarit. Sipas “Milannews.it”, është vendosur që vizitat mjekësore të zhvillohen javën e ardhshme. Pasi të ketë përfunduar ato me sukses, më pas do të vijë edhe firma në kontratë për të mbyllur gjithçka rreth kësaj lëvizje.
