Samir Handanoviç do të vazhdojë të jetë pjesë e Interit, të paktën edhe për dy sezonet e ardhshme.
Pak minuta më parë klubi zikaltër ka njoftuar rinovimin e kontratës me portierin, i cili ka rinovuar për dy vitet e ardhshme.
Slloveni është një garanci e në portën e Interit dhe për këtë arsye klubi ka vendosur t’i rinovojë kontratën. Handanoviç luan te Interi që prej verës së 2012-ës, kur erdhi nga Udineze dhe një vit e gjysmë më parë mori edhe shiritin e kapitenit, ndërsa në total numëron 342 ndeshje zyrtare me fanellën zikaltër.
