Sulmuesi i Borussia Dortmundit, Michy Batshuayi ka lënë të kuptohet se është frustruar seriozisht në klubin e Chelseat.
Sulmuesi 24-vjeçar ka shënuar pesë gola në tre ndeshjet e para për klubin, duke arritur edhe një fitore në Ligën e Evropës kundër Atalantës me rezultat 3-2.
“Nuk kalova periudhë të mirë te Chelsea, por këtu jam mirëpritur nga kolegët dhe mbështetësit e mi”, tha Batshuayi, duke folur për “Sporza”.
“I ulur në stol, duke shënuar një gol dhe pastaj sërish në bankën rezervë, ishte mjaft e vështirë”.
“Si një lojtar i ri, ju duhet më shumë kohë për të evoluar. Është e përkryer këtu dhe jam i befasuar nga të gjithë”, tha futbollisti.
I pyetur për interesimin e trajnerit të Chelseat, Antonio Conte, ai shtoi se “Nuk e di, ata janë përqendruar në Ligën Premier dhe kanë një ndeshje të rëndësishme në Ligën e Kampionëve. Unë shpresoj se do të marrin rezultat pozitiv”.
“Nuk po mendoj për kthimin. Për mua, është e rëndësishme të luaj mirë për Borussia Dortmundin në çdo ndeshje. Unë do të veproj varësisht sipas kohë”, tha Batshuayi.
