Ronaldo Luis Nazario de Lima rishikon me Jorge Valdano në “Universo Valdano” gjithë karrierën e tij. Tani president i Valladolidit, braziliani kujton momentet e mëdha. Mes tyre flet duke qeshur edhe për ahengjet e tij famshme. “Florentino do t’ju vinte ata të sigurisë së tij te dera dhe t’ju kontrollonte se çfarë bënit në shtëpi”, – i thotë Valdano. “Dikush hyri një mbrëmje, – pranon Ronaldo me të qeshur. – Ekziston një legjendë rreth asaj që ndodhi. Unë kam qenë ndonjëherë në gjendje të bëj parti, por nuk ka ndodhur shumë. Gjithmonë kam qenë shumë i përgjegjshëm, jam përpjekur të mos e dëmtoj fizikun tim”.
Dhe jashtë shakave, Ronaldo thekson: “Ishte një kohë spektakolare. Reali dhe Madridi është kombinimi më i mirë i qytetit dhe ekipit, që dikush mund të gjejë në jetë”. Nga ana tjetër, dhe duke u kthyer te shakatë, Ronaldo Nazario kujton se ai duhej të duronte edhe disa gjëra të “senatorëve” atje: “Romario ishte jashtëzakonisht i madh me mua. Ai më kërkonte kafe çdo dy-tri orë. Pas trajnimit më jepte këpucët e tij për t’ia pastruar. Dhe e bënte gjithçka para të gjithëve, natyrisht”.
