Futbollisti në pronësi të Fiorentinës Erald Lakti mund të provojë një tjetër aventurë jashtë Serisë A teksa është rikthyer në Firence pas përfundimit të huazimit te Gubio.
“Corriere dell’Umbria” raporton se mesfushori 20-vjeçar pëlqehet nga 4 skuadra: Kozenca, Rexhiana (Seria B) dhe Avelino me Padovën (Seria C).
Për shkak të moshës së re, Fiorentina mund të vendosë që Lakti të marrë akoma përvojë përpara se të luajë në elitën e futbollit italian.
Lakti është pjesë e ekipeve zinxhir të kombëtares së Shqipërisë dhe konsiderohet një talent me perspektivë për kombëtaren tonë.
