Luis Suarez duket se nuk pëlqehet shumë në Eindhoven dhe klubi holandez i PSV është detyruar të largojë një imazh të sulmuesit që ishte shfaqur në stadiumin e tyre pas protestave të tifozëve, të cilët nuk e kanë harruar akoma të kaluarën e lojtarit me rivalët e Ajax.
Imazhi i sulmuesit të Uruguait, bashkë me atë të Paul Pogba dhe Lionel Messi, kanë qenë pjesë e një reklame të Adidas, por kjo reklamë nuk ka pasur një jetë të gjatë në “Philips Stadion”.
“Kemi marrë vendimin e gabuar”, ka thënë përgjegjësi i marketingut të PSV-së, Arne van Breugel. “Kemi folur me Adidas dhe shumë shpejt do të kemi në dispozicion një imazh të ri”.
