Inter duhet të arsyetojë mbi merkaton, jo vetëm për sa i takon blerjeve të mundshme.
Pasi ka larguar Godin dhe ka marrë Vidal-in, klubi zikaltër po vlerëson të largojë një tjetër yll për t’i dhënë pak oksigjen arkave të klubit dhe të kompletojë skuadrën për sezonin 2020/21.
Sipas zërave të fundit të merkatos, Inter-i duket se ka marrë një ofertë shumë interesante për Milan Skriniar. Qendërmbrojtësi duket se nuk është në listën e lojtarëve që konsiderohen të paprekshëm nga Antonio Conte dhe mund të sakrifikohet në rast të ofertës së duhur.
Sipas Sky, Tottenham ka bërë një ofertë të parë zyrtare. Bëhet fjalë për 60 milionë euro për të siguruar shërbimet e mbrojtësit zikaltër.
Një shifër që ka bërë zikaltrit të mendohen.
