Ole Gunar Solskjaer e ka quajtur ditën më të keqe të karrierës së tij si trajner dhe lojtar i Mançester Junajtid, humbjen turpëruese me Totenhemin.
“Nuk mund të fitosh ndeshje duke bërë gabime të tilla. Është turpëruese, ngre duart lart. Është faji im. Ky nuk është Mançester Junajtid. Kartoni i kuq nuk është një justifikim. Marsial bëri mirë që nuk simuloi pas asaj goditje me bërryl, por nuk duhet të kundërpërgjigjej.
Po e bëre këtë, ekziston mundësia që të dalësh me të kuqe dhe nëse do ta kishte bërë im bir (gjestin e Lamelës), do ta kisha dënuar duke e mbyllur në papafingo për dy javë pa bukë. Nuk mund të biesh ashtu. Është një shaka.
Kjo është dita më e keqe në karrierën time si trajner i Mançester Junajtidit dhe dita e tyre më e keqe si futbollistë të Junajtidit. Por nuk është dita më e keqe në historinë e Mançesterit. Do dimë të reagojmë pas kthimit nga pushimi ndërkombëtar”, deklaroi trajneri norvegjez.
