“Të gjithë do të dëshironin të luanin për Real Madrid. Sigurisht që do të ishte një ëndërr!”
Paul Pogba, mesfushori i Manchester United, i cili foli në konferencën për shtyp direkt nga grumbullimi i ekipit kombëtar francez doli hapur: “Një ditë do të doja të luaja atje, por tani jam një lojtar i Manchester United dhe e dua klubin tim. Unë do të bëj më të mirën për ta rikthyer klubin atje ku meriton.”
Rinovimi me Manchester United?
“Është folur për shumë, preferoj të përqendrohem në fushë. Unë nuk kam biseduar ende me Ed Woodward. Së shpejti do të vijë koha kur klubi do të vijë të flasë me mua dhe ndoshta të më ofrojë diçka. Tani për tani nuk ka asgjë, nuk mund të flas diçka që nuk e di”.
