Manchester United dhe Real Madridi do të kenë një garë të fortë në merkaton e janarit ose të verët. Gjigantët e Spanjës dhe Anglisë kanë hedhur sytë nga Franca, aty ku luan Eduardo Camavinga.
17-vjeçari është talenti i madh i Rennes dhe shpresa e futbollit francez. Ai me shumë mundësi do të transferohet në Angli në rast se Paul Pogba vendos të largohet nga “Old Trafford”. Kampioni i botës do ekipin e Realit dhe e ka shprehur hapur diçka të tillë.
“Los Blancos” nga krahu tjetër nuk kanë ndërmend që të afrojnë 27-vjeçarin, por duan të arrijnë te futbollisti i ri. Ata duan të afrojnë një tjetër të ri premtues në skuadër në mënyrë që të sigurojnë Realin e së ardhmes.
