Tashmë mungojnë vetëm pak ditë nga derbi i Milanos që do të luhet të shtunën e ardhshme në San Siro mes Inter-it dhe Milan-it. Duke filluar nga ora 18:00, dy formacionet e stërvitura nga Antonio Conte dhe Stefano Pioli do të luajnë për kreun e renditjes.
Fatkeqësisht, një sfidë që do t’i privojë të dy skuadrat nga disa lojtarë të rëndësishëm që nuk do të jenë në dispozicion për shkak të Coronavirus.
Me rastin e Asamblesë së Lega-s, të zhvilluar këtë të martë në Milano për të vendosur të ardhmen e të drejtave televizive, presidenti i Milan-it, Paolo Scaroni, ka folur në lidhje me rrezikun e shtyrjes së ndeshjes, një hipotezë e ngritur në ditët e kaluara dhe konkrete nëse të infektuarit në shtëpinë e Inter-it do të shtoheshin.
Megjithatë, numri një i kuqezinjve është shprehur i sigurt për tuttomercatoweb.com, duke thënë: “Derbi në rrezik? Absolutisht jo”.
