Për Kristal Abazajn, skuadra e Luftëtari ka një domethënie të veçantë. Mesfushori i skuadrës së kategorisë së dytë të futbollit turk, Istanbulsporit, publikoi një foto në rrjetin social “Instagram” të kohës kur luante për ngjyrat zikaltër të klubt gjirokastrit.
“Luftëtari gjithmonë në zemrën time”, shkruan anësori i djathtë 24-vjeçar.
Në dy sezone me ekipin gjirokastrit, Abazaj realizoi 16 gola në 67 ndeshje. Ai formoi bërthamën e skuadrës së bashku me Dejvi Bregun, Eduart Rrocën, Albano Aleksin etj, duke arritur ta çonin ekipin për herë të parë në histori në kompeticionet europiane të futbollit.
