Luciano Moggi ka komentuar situatën e Juventus-it në rubrikën e tij te e përditshmja italiane Libero.
“Sapo ka mbaruar java e Champions League dhe rezultatet kanë qenë të mira për skuadrat tona. Juventus ka fituar në Kiev kundër Dinamo-s, dike konfirmuar pak progres në krahasim me paraqitjen zhgënjyese në Crotone”, ka shkruar ish-drejtuesi i bardhezinjve.
“Megjithatë, nuk duhet të gënjehemi nga ky sukses sepse kundërshtari nuk ishte i tillë sa të konsiderohej i pakalaueshëm. Pirlo po studion “kaniterin” për momentin në mënyrë që të hedhë në fushë formacionin më të mirë që, me kthimin e Dybala dhe Ronaldo, do të jetë akoma skuadra për t’u mundur në kampionat”.
“Ndeshja kundër Verona-s do t’i shërbejë trajnerit bardhezi që të kuptojë më mirë atë që duhet bërë, i ndihmuar edhe nga fitorja në Champions që duhet t’i ketë bërë mirë besimit të ekipit”.
