Kombëtaret U-17 dhe U-15 ka nisur sot grumbullimin 4 ditor në kompleksin Tropikal në Durrës, ku 2 trajnerët Elvin Beqiri dhe Armand Dama, do të vëzhgojnë nga afër, futbollistët e grumbulluar, të cilët aktivizohen në akademitë shqiptare të futbollit.
I vetmi futbollist që nuk është pjesë e ekipeve shqiptare është Butrint Ahmeti, i cili vjen nga skuadra e 2 Korrikut në Prishtinë. Kombëtaret e moshave gjatë këtij grumbullimi do të zhvillojnë ndeshje testuese sipas programit më poshtë:
Ditë e mërkurë, 28 tetor 2020 në kompleksin “Tropikal” ora 11:00
U-17 do të zhvillojë ndeshje ndaj kombëtares U-18 që do të grumbullohet vetëm për këtë testuese.
U-15 do të zhvillojë ndeshje po ditën e mërkurë ndaj kombëtares U-16, që e cila grumbullohet vetëm për këtë miqësore.
Ditë e enjte, 29 tetor 2020 në “Olympic Park Durrës” ora 15:30
U-17 do të zhvillojë një ndeshje ndaj skuadrës U-19 të akademisë “Shqiponjat”
U-15 do të zhvillojë miqësore ndaj skuadrës U-17 të skuadrës U-17 të akademisë “Shqiponjat”.