Vendimi përfundimtar për ndeshjen e 4 tetorit Juventus-Napoli pritet të jepet në datën 9 nëntor. Kështu raportojnë mediat italiane “Corriere dello Sport” dhe “Corriere dello Mezzogiorno”.
Sipas tyre, në datën 9 nëntor do të mbahet seanca për fatin e takimit të paluajtur mes bardhezinjve dhe të kaltërve për shkak se disa lojtarë kryesorë ishin infektuar me koronavirus.
Gjykata Sportive Italiane i dha fitoren në tavolinë 3-0 ekipit të Andrea Pirlos, i cili zbarkoi në 4 tetor në fushën e tij, ndërsa Napoli nuk udhëtoi drejt Torinos. Nëse vendimi i radhës nuk jepet në favor të të kaltërve, drejtuesit e Napolit do ta ankimojnë vendimin në Bordin e Garancisë së Sporteve.
