Lokomotiva Zagrebi mundi të ndalojë në javën e nëntë të kampionatit kroat kampionët në fuqi Dinamo Zagrebin 1-1. Protagonistë në këtë sfidë ishin dy lojtarët shqiptarë Lirim Kastrati dhe Sherif Kallaku, të cilët asistuan golat e derbit të kryeqytetit të Kroacisë.
Fillimisht ishin kampionët kroatë që kaluan të parët në avantazh në minutën e tetë. Lojtari i Kosovës Kastrati asistoi shokun e skuadrës nga krahu i djathtë duke zhbllokuar sfidën.
Më pas, ishte radha e nënkampionëve të Kroacisë të barazonin takimin. Mesfushori i Shqipërisë Sherif Kallaku nxori në pozicion shënimi shokun e ekipit Ibrahim, i cili shkundi rrjetën në minutën e 42-të.
Takimi u mbyll në shifrat 1-1. Pas kësaj jave, Dinamo Zagrebi vazhdon të udhëheqë i qetë kampionatin me 23 pikë, ndërsa për Lokomotivën duhet të sigurojë akoma më tepër pikë pasi ndodhet në vendin e parafundit në kampionat.