Respekt, por jo frikë. Serhij Rebrov mezi pret të luajë kundër Juventusit. Dhe ai synon të shijojë, me Ferencvaros-in e tij, ndeshjen e Ligës së Kampionëve kundër bardhezinjve.
Trajneri ukrainas, partneri sulmues për një kohë të gjatë i Shevchenkos, trainon hungarezët sot, kundërshtarët e nesërm të Juventusit në Ligën e Kampionëve:
“Ne e dimë se do të duhet të luajmë kundër një prej skuadrave më të mira në Itali: mezi presim ta bëjmë atë.
Ne duam ta luajmë këtë lojë duke dhënë 100%. Është një nder për ne që të jemi në gjendje të përfaqësojmë Hungarinë në krye të futbollit evropian në Ligën e Kampionëve, mendoj se jemi gati për këtë sfidë”.
A keni menduar ndonjë gjë të veçantë për të ndaluar Cristiano Ronaldon?
“Për të filluar, shpresoj që ai të jetë titullar. Ne i dimë cilësitë e tij dhe do të përpiqemi ta ndalojmë atë. Sigurisht, kemi nevojë për përqendrim maksimal”
