Kombëtarja Under 21 e Italisë bëhet “dyshe” dhe sjell dy ekipe në ndeshjet e radhës të kualifikimeve evropiane.
Pas tetorit të kaluar, kur skuadra Under 20 mori vendin e U-21 për shkak se këta të fundit patën disa të infektuar me Covid-19, Club Italia ka vendosur të krijojë dy grupe – Skuadra A dhe Ekipi B – të cilat do të punojnë në një mënyrë funksionale dhe sinergjike, nën koordinimin e Maurizio Viscidi.
Kjo u komunikua nga vetë federata përmes një njoftimi për shtyp të botuar në faqen e saj të internetit: “Në funksion të ndeshjeve kualifikuese për Kampionatin Evropian nën 21 vjeç të planifikuar për javën e ardhshme, përkatësisht në Islandë (12 nëntor), Luksemburg (15 nëntor) dhe me Suedinë në Piza (18 nëntor), FIGC ka vendosur të krijojë, përveç Kombëtares U-21, një U-21 B:
të dy ekipet, përkatësisht të drejtuara nga trajnerët Paolo Nicolato dhe Alberto Bollini, do të punojnë në të njëjtën periudhë në një mënyrë funksionale dhe sinergjike , nën mbikëqyrjen e Maurizio Viscidi, koordinator i ekipeve Kombëtare të të Rinjve të Klubit Italia, në mënyrë që të mund të përgjigjemi menjëherë për çdo nevojë që mund të paraqitet”.