Nuk po kalon një moment të lehtë te Tottenham, megjithatë Dele Alli vazhdon të marrë vlerësime shumë të rëndësishme. Mauricio Pochettino, ish-trajneri i Spurs, ka bërë një krahasim me të vërtetë të papritur duke folur për Sky Sports.
“Është e pamundur që një lojtar të ishte apo të jetë më i mirë se Diego Maradona”, ka thënë fillimisht Pochetino. “Maradona ishte një lojtar me talent të madh dhe shumë i aftë teknikisht: ishte i fortë, i shpejtë dhe i fuqishëm, por karakteri i tij… është ai i fituesit”.
“Personaliteti dhe energjia e bënin aq special dhe mendoj se karizma ishte cilësia më e madhe që kishte”.
Dhe pikërisht në lidhje me personalitetin trajneri ka bërë krahasimin e befasishëm:
“Një tjetër lojtar me një cilësi të ngjashme është Ronaldinho kur kemi luajtur te Paris Saint-Germain. Dhe duhet të them se Dele Alli është si ata për sa i takon personalitetit. Kjo është cilësia që i ka bërë të veçantë Dinho-n dhe Maradona-n”.
