Ish-sulmuesit të Suonsit, Bafetimbi Gomis, i ra të fikët në fushë gjatë ndeshjes së skuadrës së tij Gallatasarajit të dielën, por u lejua që të vijonte lojën.
Sulmuesi humbi ndjenjat në mënyrë të papritur dhe jo gjatë një dyluftimi në ndeshjen kundër Kasimpashës. Incidenti ndodhi në minutën e 7-të, teksa lojtari u gjunjëzua në momentin që po pritej ekzekutimi i një goditje këndi për klubin e tij.
32- vjeçarit i ka ndodhur një gjë e ngjashme edhe 3-4 herë të tjera, përfshirë edhe me kombëtaren e Francës dhe në kohën kur luante me Suonsin në Premier Ligë (kundër Totenhemit në vitin 2015).
Në vitin 2009 ai u diagnostifikua me (sinkopë vasovagal) një formë presioni i ulët i gjakut, e cila i shkakton humbje të papritur të ndjenjave.
https://youtu.be/BqtEMKR28vc