Tashmë jemi në atmosferën e Botërorit dhe emocionet kanë përfshirë të gjithë tifozët e këtij sporti. Megjithatë për disa të tjerë nostalgjia është akoma më e madhe, sepse ka një skuadër në këtë kompeticion që e ka fituar këtë trofe më shumë se të gjithë dhe ai është Brazili.
Si sot 16 vite më parë, Brazili fitontë në finale ndaj Gjermanisë me rezultatin e pastër 2-0, me dy gola të shënuar nga Ronaldo “fenomeni”.
Në një postim në rrjetet sociale, “fenomeni” e kujton atë ndeshje, duke thënë se vetëm Brazili ka 5 Botëror, ndërsa “ironizon” në një farë mënyre Gjermaninë, që jo vetëm e ka mundur në finale, por në të njëjtën kohë edhe në këtë Botëror, panzerat u eleminuan që në grup, kurse brazilianët janë ende në lojë për ta fituar këtë trofe.