Milani prej kohësh është fokusuar te lojtarët e rinj, për të formuar një skuadër konkurruese për të ardhmen.
Kuqezinjtë janë në kërkim të një mbrojtësi dhe pikërisht një talent e kanë prenotuar për të ardhmen. Sipas asaj që raportojnë mediat italiane, drejtuesit e Milanit kanë mbyllur marrëveshjen me mbrojtësin 23-vjeçar të Breshas, Andrea Sistana.
Ky i fundit tregoi paraqitje të shkëlqyera me Breshën sezonin e kaluar në Serinë A dhe kjo duket se nuk ka kaluar pa u vënë re nga drejtuesit e Milanit.
Italiani shihet si një lojtar me të ardhme të ndritur dhe për këtë arsye drejtuesit kuqezi kanë nxituar për të arritur marrëveshjen. Lojtari do të qëndrojë te Bresha deri në fund të sezonit dhe më pas do të bashkohet me Milanin.
