Interesimi i Napolit për Matias Vesinon mund të rikthehet në modë gjatë merkatos së janarit, duke parë se uruguajani pëlqehet shumë nga trajneri Gatuzo.
Interit i nevojitet një sulmues për të kompletuar repartin e avancuar të Kontes. Dhe në këtë mënyrë Arkadius Milik është emri që i plotëson kriteret e trajnerit zikaltër.
Nuk përjashtohet një mundësi shkëmbimi Milik-Vesino duke parë pëlqimin e dy trajnerëve për dy lojtarët në fjalë. Mesfushori 29-vjeçar i Interit aktualisht vuan nga një dëmtim që e ka lënë jashtë prej muajsh dhe që ende nuk e ka kryer debutimin e tij këtë sezon.
Ndërsa Milik ka prishur çdo marrëdhënie me Gatuzon, dëshiron vetëm largimin, pasi ish-trajneri i Milanit nuk e ka përfshirë në asnjë listë të ligave këtë sezon.