Ka përfunduar pjesa e parë në “Selman Stermasi” mes Partizanit dhe Kukësit me gol të Gojkovic në minutën e 43. Të kuqtë edhe pse me “arnime” në formacion, sërish arrijnë që t’ia dalin dhe të fitojnë 1-0 në pjesën e parë.
Në një terren mjaft të rënduar të dyja skuadrat kanë dalë në fushën e lojës, por presion ushtron ekipi verilindor. Elis Bakaj lëviz bukur brenda zonës së Partizanit në minutën e shtatë dhe me mjeshtëri gjuan me të majtën, por të njëjtën kundërpërgjigje merr nga Alban Hoxha që pret në kohë në cepin e portës.
Përpos kësaj lëvizjeje, të tjera pasojnë ekipin e drejtuar nga Peter Pacult. Megjithatë, lojës së Kukësit i përgjigjet Partizani në minutën e 43. Ekzekutohet një goditje këndi nga krahu i majtë i portës së verilindorëve dhe Gojkoviç gjuan me kokë dhe e dërgon sferën në rrjetë.
Jo vetëm gabim i mbrojtjes së Kukësit që nuk mbuluan dot shtatlartin, por edhe portieri Enea Koliçi nuk bën asnjë lëvizje kur topin pothuajse e kishte në duar.
Partizani – Kukësi 1-0
Shënues: Gojkovic 43’
Partizani: A.Hoxha, Ibrahimi, Gojkovic, Belica, Sulejmani, Kotobelli, Culum, Mala, Abdurrahimi, Asani, Bardhi. Trajner: K.Dalipi
Kukësi: Kolici, R.Hoxha, Musolli, Rrumbullaku, Imami, Dzaria, Zderic, Cale, Bakaj, Ethemi, Guri. Trajner: P.Pacult
Gjyqtarë: K.Meta, D.Rexha, N.Bregasi, O.Sokoli, O.Kuka, P.Simoni
Kartonë të verdhë: Kotobelli 28’, Culum 32’
Vëzhgues: Mëhill Shkëmbi
Delegat: Lysjen Nurishmi
