Java e 13-të e Kategorisë Superiore ka qenë e vakët sa i përket numrit të golave të shënuar, ku vetëm pesë herë e nxorën portierët topin nga rrjeta.
Numri i paktë i golave e bën të vështirë përzgjedhjen, aq më shumë ku edhe ata që u realizuan ngjanin si gola normalë. Për të mos e lënë këtë rubrikë pa emër, goli i shënuar nga Esat Mala i Partizanit në derbi, më shumë nga rrjedha e aksionit dhe finalizimi, i bie të jetë goli më i mirë i javës së 13-të në Superiore.
