Ditëlindja e tij e 25-të është kaluar në infermeri, por me një dëshirë të madhe për tu rikthyer sa më parë. Mauro Icardi dëshiron të rimarrë vendin e tij te Inter, për ta udhëhequr skuadrën zikaltër drejt ringritjes. “Jam mirë, po rekuperohem nga shqetësimi fizik dhe dua të rikthehem për të ndihmuar skuadrën që të arrijë rezultate pozitive. Është një ditëlindje e hidhur duke parë se sip o shkojnë gjërat me skuadrën, por shpresoj të rikthehem shpejt për të marrë sodisfaksione. Duhet të rikthehemi të fitojmë”, deklaroi kapiteni i Inter.
Humbja në shtëpi ndaj Genoa me rezultatin 2-0 ka kulmuar periudhën negative të Inter që prej nga ndeshja në shtëpi ndaj Benevento duhet të ndryshoj marsh me apo pa Icardin: “Duhet të rikthehemi te fitorja, duke nisur nga kjo ndeshje. Po përmirësohem nga problemi në kofshë, ndërkohë që nuk kam asgjë te gjuri. Veçse një goditje të përsëritur në disa ndeshje, por është në rregull”.
