Edhe Mino Raiola ka dhënë mesazhin e tij për të kujtuar Diego Armando Maradona-n. Një kampion që ka patur shumë rëndësi për jetën e tij:
“Për mua, Maradona është diçka ndryshe sepse siç e dini familja ime është nga Napoli dhe ne e kemi jetuar ndryshe. Na ka rikthyer dinjitetin, na ka bërë të ndihemi krenarë që ishim napolitanë”, ka thënë super menaxheri.
“Na ka dhënë disa vlera jo vetëm në futboll, por edhe në jetë. Nuk u tundua nga Juventus dhe për në kjo ka qenë fitorja më e rëndësishme. Ai ka qenë një personazh unik në fushë dhe jashtë saj”.
“Ai ka qenë një njeri i lirë të jetonte si donte, pa kërkuar konfirmime nga të tjerët. Për mua ka qenë lojtari më i mirë i historisë së futbollit pa asnjë dyshim, edhe duke marrë parasysh lojtarët që luajnë sot”.
“Si menaxher, unë ëndërroj të gjej jo lojtarë, por burra me personalitetin e tij”.
