Janë të shumta rastet në Formula 1 kur është thënë se “piloti është gjallë për mrekulli”. Gjithsesi, kjo shprehje më shumë se kurrë i përshtatet më së miri Romain Grosjean. Piloti 34-vjeçar franko-zviceran më shumë se kushdo në këtë sport meriton të quhet “gjallë për mrekulli”.
Të gjithë kemi parë filmat e “Terminator”, kur Arnold Schwarzeneger del mes flakëve, por kurrë më parë nuk kishim parë një njeri të dilte mes flakëve dhe të ecte me këmbët e tij. Gjallë, shëndoshë e mirë, pa asnjë dëmtim.
Një mrekulli!!!
Romain Grosjean ka kaluar 26 sekonda mes flakëve, një përjetësi kur sheh dinamikën e aksidentit. Makina e tij Haas u nda në dy pjesë dhe shpërtheu në flakë. Incidenti ndodh pas vetëm 2 kthesash dhe makina ishte plot me karburant.
Për fat, celula e mbijetesës, edhe pse u nda në dysh, arriti të mbrojë pilotin e sidomos sistemi mbrojtës “halo” i vendosur mbi kokën e pilotit, që i dha mundësi atij të qëndrojë i paprekur në makinë.
Duken të pabesueshme pamjet kur sheh pilotin të dalë i vetëdijshëm nga makina, vetëm më duart që i djegin nga temperatura e lartë. Ai u ndihmua edhe nga komisarët e pistës, që përdorën fikëset e zjarrit për t’i dhënë mundësi pilotit të manovrojë në pjesën e mbetur të makinës dhe dalë që andej i padëmtuar.
Një mrekulli me gjithë kuptimin e fjalës!
Romain Grosjean was able to walk away from a scary F1 crash that left his car split in half without serious injury 🙏 #JayAndDan pic.twitter.com/4ERC22gZIy
— #JayAndDan (@JayAndDan) November 30, 2020
