Ish-trajneri i njohur i Francës dhe PSG-së Lorent Blank është kthyer në detyrë pas 4 viteve pushim. 65-vjeçari ka befasuar me zgjedhjen e tij duke pranuar të drejtojë ekipin e futbollit të Katarit Al-Rajan.
Lajmi u konfirmua në faqen zyrtare të klubit nga Lindja e Mesme.
Blank është përfolur vazhdimisht gjatë këtyre viteve si pretendent për të drejtuar superfuqitë e futbollit botëror, si: Bajern Mynih, Real Madrid, Arsenal, etj, por asnjëherë nuk arriti mirëkuptimin me drejtuesit e njërit prej tyre.
Ai ka fituar 4 herë titullin kampion në Francë (1 rast me Bordonë dhe 3 herë me PSG-në). Blank drejtoi Francën në EURO 2012, ku “Gjelat” u eliminuan në çerekfinale 2-0 nga Spanja.
