Zënka me trajnerin Gasperini duket se i ka kushtuar shtrenjtë futbollistit argjentinas Papu Gomez. Tekniku i skuadrës zikaltër, në bashkëpunim me klubin, ka vendosur të dënojnë 32-vjeçarin argjentinas, duke mos e grumbulluar në duelin e rëndësishëm ndaj Romës.
“Trajneri, në marrëveshje me klubin, ka vendosur të mos grumbullojë lojtarin Alejandro Papu Gomez për shkak vendimit teknik”, thuhej në sqarimin e klubit.
Me shumë gjasa kapiteni 32-vjeçar i Atalantës do të largohet nga bergamaskët në merkaton e janarit, për shkak të situatës së tendosur me klubin.