Leo Mesin jemi mësuar ta shikojmë vrastar para porte, ku shpesh herë ka shënuar edhe nga pozicione thuajse të pamundur.
Megjithatë i ndodh edhe argjentinasit që të humbasë raste të pastra shënimi. Ditën e djeshme, Barcelona ka mposhtur me rezultatin 1-0 Hueskan në transfertë, falë një goli të shënuar nga Frenki De Jong.
Para golit të shënuar, vëmendjen e të gjithëve e tërhoqi pikërisht Mesi, me një rast të humbur. Në minutën e 9’, “Pleshti” merr një top të shkëlqyer në zonë, ku shfaqet përballë portës, por gjuajtja e sulmuesi lë shumë për të dëshiruar, teksa shkon jashtë duke mos sjellë aspak rrezik. Kaq ka mjaftuar që video me rastin e humbur nga Mesi të nisë të qarkullojë në internet me shpejtësi.
