Sulmuesit të Kombëtares shqiptare, Armando Sadiku, iu besua vendi i titullarit, në sfidën e Kupës së Turqisë, ndaj Alanjaspor, teksa e shpërbleu mjaft mirë besimin e trajnerit.
Në minutën e 7-të, shqiptari nxori në pah cilësitë e tij, teksa me një shpërthim mjaft të bukur nga e djathta e zonës, asistoi për sulmuesin Karakullukçu, i cili me portën e boshatisur, dërgoi topin në rrjetë, duke kaluar në avantazh skuadrën e Erzurum.
Padyshim që e gjithë merita e golit të realizuar ishte e Sadikut, i cili bëri gjithçka mirë, teksa tashmë shpreson që të fitojë edhe vendin e titullarit në kampionat.
