Nuk përfundon makthi për Nikolo Zaniolon. Pasi u dëmtua muaj më parë në meniskun e gjurit të tij për të ndenjur jashtë fushave prej shumë kohësh, tani fantazisti i Romës është infektuar me koronavirus.
Këtë lajm e ka bërë vetë publike në faqen e tij zyrtare të rrjetit social “Instagram”, ku shkroi se është asimptomatik dhe është vetë-izoluar në banesën e tij:
“Përshëndetje të gjithëve, për fat të keq kam rezultuar pozitiv me COVID-19, pas tamponit të kryer në mëngjesin e sotëm. Ndihem mirë dhe jam pa simptoma dhe kam filluar menjëherë karantinën.
Shpresoj të rikthehem në qendrën stërvitore në ‘Trigoria’ për t’u stërvitur sa më shpejt të jetë e mundur, ndërkohë do të bëj tifo për shokët e mi të skuadrës nga shtëpia.”, përfundoi postimin e tij Nikolo Zaniolo.
