Lajm i madh për Interin në prag të derbit të sotëm kundër Milanit në Kupën e Italisë! Ylli i skuadrës zikaltër, Lautaro Martinez do të rinovojë për një vit kontratën me klubin italian. 23-vjeçari do të mbajë veshur fanelën e Interit deri në vitin 2024.
Agjentët e sulmuesit argjentinas kanë mbërritur në selinë e Interit dhe pritet të hidhet vetëm firma. Sipas mediave italane, klauzola e largimit të “Demit” nga Interi është 111 milionë euro, por nëse Juventusi do të tentojë ta blejë atëherë, shifra e prishjes së kontratës së Lautaros me Interin shkon automatikisht në 150 milionë euro.
Lautaro u kërkua vitin e kaluar nga Barcelona, Reali dhe Mançester Siti, por shifra e lartë e klauzolës bëri që ai të mos transferohej.
