Dinamo mori një fitore shumë të rëndësishme në mesjavë, teksa mposhti me rezultati 1-0 Veleçikun, në shtëpi. Një fitore e rëndësishme e kryeqytetasve, ndeshje gjatë së cilës kishte edhe probleme mes drejtuesve.
Në një video të postuar nga gazetari Artan Hoxha, shfaqet administratori i Dinamos, Ermal Barushi, i cili përplaset me vëzhguesin e arbitrave, Bujar Pregja.
Madje ky i fundit dëgjohet teksa i drejtohet Barushit me fjalët: “Ki kujdes, kaq po të them”. Sipas gazetarit, gjithçka ka ndodhur pasi presidenti i Dinamos, Marko Pontreli ka zbritur në fushë për të takuar lojtarët, pas pushimit të ndeshjes.
