Zinedin Zidane, trajneri i Real Madrid, komentoi barazimin e marrë në derbin kundër Atletiko Madrid, teksa në prononcimin për mediat pas ndeshjes, ai u shpreh:
“Ne kemi fituar një pikë të rëndësishme, jemi gjallë dhe do të luftojmë deri në fund për të fituar kampionatin. Mohimi i penalltisë? Arbitri vendosi kështu dhe ne duhet ta respektojmë vendimin. Atletiko pati një fillim të mirë, ne bëmë më mirë minutat e fundit të lojës. Ka akoma shumë pikë në lojë. Ne do të luftojmë deri në fund”, e mbylli fjalën e tij francezi teksa Reali e sheh veten në vendin e tretë, 5 pikë më pak se kryesuesit e Atletikos, që kanë dhe një ndeshje më pak.
