Vitin e shkuar ishte një nga surprizat më të bukura të Premier League, ku për disa kohë ishte edhe në garë për në Kupat e Europës, edhe pse ishte në sezonin e parë në elitë pas shumë viteve mungesë. Po flasim për Sheffield United, që këtë sezon është në vendin e fundit dhe një hap larg rënies nga kategoria.
Ekipi nga Yorkshire ka zyrtarizuar largimin e trajnerin Chris Wilder pas plot 5 vitesh. Wilder njoftoi largimin e tij nga klubi me marrëveshje konsensuale. Ecuria në këtë sezon për Sheffield nuk ka qenë aspak e mirë, ndaj edhe largimi i trajnerit dukej i pashmangshëm.
“Të isha trajner i Sheffield United ka qenë një nder i madh. Kam pasur një udhëtim të mrekullueshëm me këtë klub dhe kurrë nuk do ta harroj”, u shpreh Wilder pas largimit.
