Pritej që sfida mes Laçit dhe Partizanit të kishte incidente dhe tensione, për shkak se gjatë gjithë këtyre ditëve të fundit, ka pasur deklarata dhe akuza nga klubet kundër njëri-tjetrit.
Si Laçi, ashtu dhe Partizani janë në luftë për titull dhe ethet e javëve të fundit kanë filluar të ndihen. Klubi kurbinas akuzoi se Partizani i fiton ndeshjet lehtë me ekipe “piktorësh”, ndërsa Olsi Rama, drejtori i “demave”, reagoi duke thënë se do të shikojë se çfarë deklarate do të bëjë klubi kurbinas pas ndeshjes në Laç.
Trajneri Daja e mori fjalën “piktor” për vlerësim duke thënë se futbolli është art në vetvete. Të gjitha këto deklarata kanë sjellë dhe tensionin që u pa ditën e djeshme gjatë gjithë ndeshjes.
