Lojtari i përfaqësueses kosovare, Mërgim Vojvoda u bë protagonist fundjavën e kaluar duke shënuar golin e vetëm dhe të fitore në sfidën për mbijetesë ndaj Parmës.
Lumturia e skuadrës italiane për 3 pikët ishte aq e madhe, saqë një përqafim i Vojvodës me shokun e tij të skuadrës, serbin Sasa Lukiç ka bërë xhiron e rrjeteve sociale. Ishte gazeta italiane “La Repubblica” ajo e cila shkroi për afrimitetin e dy futbollistëve, duke e lidhur me pikëpamjet etnike të tyre. Ndër të tjera gazeta italiane shkruan se dyshja do të goditej po të gjendej në një ambient tjetër për shkak të përzierjes së historisë dhe gjakut.
“Është imazhi i botës së re. Nëse do të ishin takuar në një kohë tjetër, në një vend tjetër, në një jetë tjetër, ku i dihet.
Ndoshta Mërgim dhe Sasa do të kishin goditur njëri-tjetrin. Ose thjesht do ta urrenin njëri tjetrin për shkak se përzihet rruga e historisë, gjeografisë dhe gjakut”, shkruan në artikull “La Repubblica”.
