Alesio Hyseni përfundon papritur aventurën e tij me skuadrën e Bylisit.
Mesfushori i cili ishte i huazuar tek ballshiotët nga skuadra e Partizanit, rikthehet sërish tek të kuqtë për tu stërvitur për katër javët e mbetura të Kategorisë Superiore. Me kalimin e Valentino Muratajt dhe Donald Mëllugjës tek skuadra e Partizanit, Hyseni mendoi se do të kishte më tepër hapësira tek Bylisi, por nuk u preferua aspak nga trajneri Veljko Dovedan.
24-vjeçari është aktivizuar pak minuta në dy takime dhe pjesën më të madhe e kaloi në pankinë. Kjo ishte arsyeja që Alesio Hyseni të largohej nga Bylisi me drejtim kryeqytetin për të riveshur përsëri fanellën e Partizanit.
