Me fitoren e mbrëmshme ndaj Bërnlejt, Liverpuli në këto momente e ka në dorën e tij fatin e kualifikimit në Champions, pavarësisht se është me pikë të barabarta me Lestërin.
Ata kanë golavarazh më të mirë sesa “Dhelprat” dhe në Premier Ligë ky është kriteri i parë që përcakton renditjen e skuadrave. Por, sigurisht që ata tani duhet të mundin edhe Kristal Palasin në shtëpi të dielën për të qenë të sigurt. Në rast se edhe golavarazhi është i njëjtë, atëherë hyn në fuqi kriteri i numrit më të madh të golave të shënuar.
Kriteret e tjera janë pikët në përballjet direkte, golat në transfertë në përballjet direkte dhe kriteri i fundit është “play off”, pra një ndeshje direkte për të përcaktuar fituesin.
