Mes protagonistëve të sezonit triumfues të Atletico Madrid në La Liga ka qenë edhe Luis Suarez.
Sulmuesi është marrë pothuajse me kosto zeronga Barcelona dhe trajneri Diego Simeone ka zbuluar një prapaskenë në lidhje me transferimin e uruguaianit.
“E kam kërkuar qëkur ishte akoma te Liverpool, në fund ai zgjodhi Barcelona-n dhe rezultatet i kanë dhënë të drejtë”, ka thënë trajneri argjentinas për ESPN.
“Kur është paraqitur rasti, klubi më ka telefonuar dhe unë kam filluar të qesh, nuk më besohej. I kam telefonuar menjëherë dhe i kam thënë: ‘Luis, duhet të fitojmë dhe ti do të fitosh”.
