Gjykata e Shkodrës ka dhënë masën e sigurisë ‘arrest me burg’ për Nehat Fojleta dhe Sehar Xhenje, si autorët që sulmuan dhe tentuan të qëllojnë me thikë trajnerin e Vllaznisë, Erneset Gjoka.
Gazetari Senad Nikshiqi raporton për ‘BalkanWeb’ se ish-futbollisti i moshave të Vllaznisë, Nehat Fojleta ka pranuar se e ka goditur trajnerin Gjoka por nuk ka patur thike. Fojleta tha se e ka goditur trajnerin, pasi ai e ka fyer. Nga ana tjetër Sehar Xhenje mohoi se ka patur dijeni për ngjarjen dhe se ka shkuar vetëm për të marre shokun e tij pas stërvitjes se Vllazisë.
Avokati Fatbardh Kadrija ka kërkuar lirimin e Sehar Xhenje duke pretenduar se ndaj tij nuk ka prova. Edhe Nehat Fojleta kërkoi një mase sigurimi me të butë duke qene se ka pranuar se e ka goditur teknikun Gjoka, pasi trajneri e ka ofenduar sipas pretendimeve te tij.
