Me largimin e Kontes, planet e Interit kanë ndryshuar tashmë teksa klubi po kërkon të shesë disa elementë të skuadrës që të rregullojë financat.
Një ndër të sakrifikuarit mund të jetë sulmuesi Lautaro Martinez, i cili ka kohë që përflitet për një transferim të tij në Spanjë. E ardhmja e argjentinasit mund të jetë Gadishulli Iberik, por jo Barcelona.
Sipas asaj që raporton “Corriere Dello Sport”, sulmuesi argjentinas është pranë një kalimi tek skuadra e Atletiko Madrid. Skuadra e Simeones u shpall kampione e La Liga-s këtë sezon dhe do tentojë të bëjë mirë dhe sezonin tjetër, dhe një afrim i mundshëm i Lautaros do të rriste cilësinë e skuadrës.
Ndërkohe Interi është gati të fërkojë duart, pasi nuk pranon asnjë ofertë poshtë 70 milion eurove për Lautaron, ose marrëveshja mund të ulet më përfshirjen e ndonjë lojtari nga kryeqytetasit.
