Milani vazhdon të shohë për një zëvendësues ideal të Zlatan Ibrahimoviç.
Pas rinovimit të kontratës së Oliver Zhiru me skuadrën e Çelsit, skuadra kuqezi është vendosur pas ish-sulmuesit të Napolit që aktualisht aktivizohet me Marsejën, Arkadius Milik.
Sipas asaj që raporton e përditshmja sportive italiane “La Gazzetta dello Sport”, thuhet se Maldini dhe Masara po e ndjekin me interes këtë pistë e cila duket alternativa nëse dështon afrimi i Zhirusë.
Milik duket se është rikthyer në formën e mëparshme me skuadrën marsejeze pas 6 muajve të kaluara në tribunë tek Napoli dhe në muajin janar ai u largua në formulën e huazimit tek klubi i Ligue 1 deri në verën e vitit 2022.
