Alessandro Florenzi, nga grumbullimi në Coverciano, ka folur për Kylian Mbappe, kundërshtar i mundshëm në Europian dhe shoku i tij i skuadrës te PSG.
“Si ndalet Mbappe? Ndalet si skuadër. Është më i forti në Europian, ndoshta edhe në botë. Jam stërvitur me atë, disa herë nuk e kam ndalur, të tjera ia kam dalë. Edhe në PlayStation nuk është e lehtë ta ndalësh”, ka thënë mbrojtësi italian.
“Franca ka lojtarin më të fortë të Europianit. Janë favoritë, e thotë Botërori i fituar, por dua të them një gjë: fitorja nuk është aq e lehtë të arrihet. Veçanërisht në një kompeticion ku detajet mund të bëjnë diferencën: mund të jetë një goditje këndi ose një gjë tjetër”, ka vazhduar Florenzi.
“Ka kombëtare të tjera të forta që mund ta kërcënojnë, por jemi edhe ne. Do të jetë e vështirë, ka shumë skuadra gati për të luftuar, shpresojmë të jetë një Europian i mirë”.
