Trajnerin e Kombëtares e ndoqi edhe ditën e djeshme në miqësoren ndaj Çekisë, tersi i rrëzimit. Kjo është hera e dytë që tekniku italian rrëzohet në3 dy ndeshjet e fundit, pas përplasjes nga kundërshtarët.
Ndaj Çekisë, ishte Vladimir Kufal, i cili e përplasi Rejën, me këtë të fundit që u rrëzua në tokë. Për këtë foli edhe vetë lojtari çek, i cili u shpreh: “Edhe njëherë unë i kërkoj falje trajnerit të Shqipërisë, Edi Rejës. E pashë në momentin e fundit dhe nuk mund ta ndaloja dot.”, u shpreh Kufal.
Kujtojmë se Shqipëria u mposht ditën e djeshme në miqësore nga Çekia me rezultatin 3-1.
