Aventura e Varane te Real Madrid thuajse ka mbaruar. Një vit përpara skadimit të kontratës, francezi ka kërkuar largimin dhe “Blancos”, për të mos rrezikuar një tjetër rast Sergio Ramos, e kanë nxjerrë në merkato.
Tre klube të interesuara deri tani: Manchester City, Chelsea dhe PSG. Sipas programit El Chiringuito, skuadra madrilene kërkon të përfitojë të paktën 60 mln euro nga shitja e francezit, edhe pse duket e vështirë që të dikush të ofrojë atë shumë duke ditur se pas 1 viti mund ta marrë falas ose në janar për një shumë të vogël rreth 10-15 mln euro.
Varane ka plot 10 vite te Real Madrid që kur galaktikët e blenë për 10 mln euro te Lens në vitin 2011.
Këtë sezon luajti 31 ndeshje duke shënuar edhe dy gola. Varane fitoi edhe 4 Champions me Realin.
