Me Hakimin që është me valixhe në duar, Interi është hedhur në kërkim për një zëvendësues të marokenit në korsinë e djathtë.
Emri më i lakuar është ai i Manuel Lazarit të Lacios që e njeh mirë trajnerin italian dhe skemat e tij.
Sipas asaj që raporton “Il Mesaggero”, Interi ka arritur akordin me skuadrën kryeqytetase me shifrën e 22 milionë euro + 4 milionë euro bonuse.
Shpejtësi, teknikë dhe saktësi në kros dhe pasim, Simone Inzagi duket se ka gjetur lojtarin ideal për të zëvendësuar Hakimin i cili duket gjithnjë e më larg skuadrës zikaltër ku do të largohet me destinacion Parisin për një shifër 75-80 milionë euro.
Gjatë sezonit të kaluar anësori 27-vjeçar është aktivizuar në total nga Inzagi me Lacion në të gjitha kompeticionet në 39 sfida nga ku ka realizuar 2 gola dhe ka dhuruar 6 asist.
